အတိတ်တို့လွန်သော်



ဘာအကြောင်းမှမတွေးပဲ မျက်စိစုံမှိတ်ပြီး အိပ်ပြစ်လိုက်ဖို့ စဉ်းစားသော်လည်း လက်တွေ့မှာတော့ မအောင်မြင်ပေ ။ ဒီဇင်ဘာ ဆောင်းတွင်းနှင့်အပြိုင်အေးနေသော ကားပေါ်မှ အဲယားကွန်းက အညှိုးကြီးကြီးနဲ့ သူ့တာဝန်သူထမ်းရွက်လို့နေပေသည်။
အပြင်ကိုငေးကြည့်မိတော့ သစ်ပင်တွေက နောက်မှာ တရိပ်ရိပ်ကျန်ခဲ့သည် ။
ကျွန်မတယောက်တည်းသာအိပ်လို့လဲမပျော်၊အဲကွန်းကလဲအေးကအေးနှင့်အလွန်အမင်းကို ဒုက္ခရောက်နေသည်။
ခေါင်းထဲလည်းအေးခဲနေပြီဖြစ်သလို အတွေးတွေလည်း ဟိုဒီပျံ့ကာနှင့် မိုင်တိုင်တွေလည်း တစ်တိုင်ပြီးကျော်လွန်လာခဲ့သည်။

ကားကတုန့်ကနဲရပ်လိုက်မှသတိပြန်ဝင်လာသည်ကားဆရာ၏ စကားသံအချို့ကိုလည်းကြားရသည် ဘာတွေမှန်းတော့မသိ နားမထောင် တာလည်းဖြစ်နိုင်သလို မကြားတာလည်းဖြစ်နိုင်သည်။ နာရီကြည့်လိုက်သည်၂နာရီ၊ ကားပေါ်မှလူတွေကလည်း တယောက်ပြီးတယောက် ဆင်းသွားကြသည်။ ကားထဲမှအပြင်သို့ရောက်သော် ပထမဆုံးခံစားလိုက်ရသည်က ခပ်ပြင်းပြင်းရှိလှသော လေ….လေပြေလို့တော့ နာမည် မတပ်ချင် အဘယ့်ကြောင့်ဆိုသော် ကျွန်မမျက်နှာကို နူးညံ့ညင်သာစွာတိုက်ခတ် မသွားသောကြောင့်ဖြစ်သည်။ ပတ်ဝန်းကျင်ကိုအကဲခတ်လိုက်သော် စားသောက်ဆိုင်တဆိုင်ရှေ့ဖြစ်သည်အရမ်းအေးသည့် ဒီလို အချိန်မျိုးတွင် ကော်ဖီပူပူတခွက်လောက်သောက်လိုက်ရရင် အဆင်ပြေနိုင်မည်မှန်းသိရက်နှင့် ထိုဆိုင်ထဲသို့ ကျွန်မ မသွားဖြစ်ခဲ့ပေ။လက်ဘေးပလက်ဖောင်းပေါ်ခြေပြစ်လက်ပြစ်ထိုင်ရင်း ခရီးသွားနေကြတဲ့ ကားတွေကလည်း ကျွန်မရှေ့မှလှစ်ကနဲ လှစ်ကနဲ ပြေးသွားတာကို ထိုင်ကြည့်ဖြစ်သည်။ နောက်တွင်ကပ်ပါလာသည့်ဆောင်းရနံ့သင်းသည့်လေကြမ်းများကလည်း ကျွန်မဆံပင်တွေ လွင့်ခါသွားသည့်အထိ တိုက်ခတ်နိုင်ကြသည်။ သို့သော် ကျေနပ်စွာနှင့် ကျွန်မ ပလက်ဖောင်းပေါ်တွင် အတော်ကြာသည်အထိ ဆက်ထိုင်ဖြစ်သည်။ ကားပေါ်ပြန်တက်သော ခရီးသည်များစုံခါနီးမှ ကျွန်မလည်းကားဆီသို့ ပြန်လျှောက်လာဖြစ်သည်။ ကိုယ့်ထိုင်ခုံဆီသို့အကြည့်များကို ပို့ထားသော်လည်း ကျွန်မမြင်ကွင်းထဲကို ဇွတ်တိုးဝင်လာသော အရာတခုကို ကျွန်မသတိထားမိသည် ။ ပထမ မျက်ခုံးထူထူတွေဖြစ်သည် နောက် မေ့စေ့အောက်မှ မှဲ့နက်ကလေးတလုံးဖြစ်သည် ။ (သူ)လို့ ကျွန်မနှုတ်ကရွတ်မိလားမရွတ်မိလား သေချာမသိပါ ။ ကျွန်မအမြင်မှားတာလား ၊ အမှားမြင်တာလား မတွေးချင်ပါ ။ ဒါပေမယ့် ထိုသူ၏ မျက်ဝန်းများသည် ကျွန်မရင်းနှီးသော မျက်ဝန်းများမဟုတ်ပါ ။ အကြည့်တွေအားလုံးကို လွှဲကာ ကျွန်မနေရာဆီသို့သာ ကျွန်မ လှမ်းလာမိတော့သည်။ ဒီအချိန်မှာ သူ့အကြောင်းမတွေးတာအကောင်းဆုံးပင်ဖြစ်မည်ဆိုတာ ကျွန်မကိုယ်ကျွန်မကောင်းကောင်းသိလေသည်။ ကျွန်မခေါင်းပေါ်တွင် တည့်တည့်ဖွင့်ထားသော အဲကွန်းကိုလည်း အပြစ် မတင်တော့ပဲ အိပ်ဖို့စဉ်းစားလိုက်သည်။ အမြင်တွေေ၀၀ါးနေသော ကျွန်မမျက်လုံးကို ဆရာဝန်ပြဖို့ သင့်ပြီဟုတွေးရင်း လက်မှ နာရီကိုကြည့်လိုက်သည် မနက် နှစ်နာရီခွဲပြီ ။
အပြင်ကနှင်းကအပြင်အတွက်အေးသလို ကားထဲက အဲကွန်းကကျွန်မအတွက်အေးသည် ။ ဘာပဲဖြစ်ဖြစ် ကျွန်မမျက်လုံးမှိတ် ကြိုးစားပြီးအိပ်ပြစ်လိုက်ဖို့ ကိုယ့်ကိုယ်ကိုယ်ပဲ အမိန့်ပေးလိုက်တော့သည်။ ………

အတိတ်တို့လွန်သောဒုတိယပိုင်းဆက်ရန်........

(ဟိန်းလေး)

ဒုတိယပိုင်း..........

ဒီဘူတာရုံရဲ့ ထိုင်ခုံမှာ ထိုင်နေခဲ့တာ တစ်နာရီခွဲပြည့်တော့မည်။ ကျွန်မရဲ့အကြည့်တွေကို နေရာအနှံ့သို့ဖြန့်ကျက်ထားသော်လည်း တွေ့ချင်တဲ့သူက ခုထိရှာလို့မတွေ့။ ရထားဆိုက်ချိန်ကို မှားပြောလိုက်သော သူငယ်ချင်းကို စိတ်တိုရမည်လား ၊ နာရီကို မတွက်ကြည့်ပဲ လာကြိုဖို့ပြောလိုက်သော ကျွန်မကိုကျွန်မအပြစ်တင်ရမည်လား မစဉ်းစားတတ်တော့ချေ။ ဘာပဲပြောပြော ညနေ သုံးနာရီတော့ခွဲတော့မည် ။ ကျွန်မရှာနေခဲ့သူဟာ အသားဖြူလာမှာလား ပိုညိုသွားမှာလား ၊ အရင်လို ဆံပင်ရှည်ရှည်နဲ့လား ဆိုတာကို ကျွန်မမျက်လုံးထဲပုံဖော်ရင်း လှေခါးတစ်ခုဆီသို့ အကြည့်ရောက်သွားသည်…….

ကျွန်မတွေးထင်သလို အသားဖြူမနေပါ ဆံပင်တွေရှည်မနေပါ အရင်ကထက်ပိုကြည့်ကောင်းလာတာတော့သေချာသည်။
လ အတော်အတန်ကြာမှ တခါပြန်တွေ့ဘူးသော သူဟာ ကျွန်မစိတ်ကူးထဲက ပုံရိပ်ကဲ့သို့ထပ်တူကျသည် ။နေ့လည်နှစ်နာရီထဲကရထားဆိုက်ကာ သုံးနာရီခွဲထိထိုင်စောင့်နေရသော ကျွန်မအား စောင့်နေရတာကြာပြီလားမေးသည် ။ ကြာလည်းပြသနာမရှိပါဘူးပေါ့ ၊ သူကျွန်မကိုအားနာရမှာကိုလည်းကျွန်မ မလိုလားဘူးလေ၊။ ဒါ့ကြောင့် မကြာသေးပါဘူးလို့ပဲ ပြောမိပါတယ် ၊ ခရီးပန်းလာလို့ခေါင်းထဲနောက်ကျိပြီး ဗိုက်ထဲကလည်းအောင့်လာပြီမို့ နီးစပ်ရာ မုန့်ဆိုင်တဆိုင်ဆီသို့ အထုပ်အပိုးတွေဆွဲကာ သူ့ရဲ့ဦးဆောင်မှုနောက်ကထပ်ချပ်မကွာလိုက်ဖြစ်ခဲ့လေသည်။ နောက်တော့ သူမှာပေးတဲ့မုန့်တွေနဲ့
သူဝယ်ပေးသောဆေးအား အလျှင်အမြန်သောက်လိုက်ရကာ ထိုဆိုင်လေးတွင် ပျော်စရာအချိန်များကို ဝေဒနာများဖြင့် ကုန်ဆုံးလိုက်ရလေသည်။ ၀ါးတားတားဖြစ်နေသော ကျွန်မ၏ အမြင်များအား သူ့ဆီကို ရောက်တချက် မရောက်တချက် နှင့် အလုပ်များနေသည် ။ ကျွန်မရှေ့မှာသူရှိနေတာဟာ အိပ်မက်များလား တကယ်လားဆိုတာဝေခွဲရခက်နေလောက်အောင် ခေါင်းကနောက်ကျိနေသည်။ ကျွန်မစိတ်ထဲတွင်တော့ သူနဲ့ ခုလိုအတူရှိနေရခြင်းဟာ ကျွန်မအတွက် အိပ်မက်မဟုတ်ပါစေနဲ့လို့ ထပ်ခါထပ်ခါဆုတောင်းမိနေမှာ သေချာလေသည်။ထို့နောက် ကျွန်မတည်းမည့်အိမ်သို့ သူလိုက်ပို့ပြီး ကျွန်မနှင့်အဲ့ဒီညနေလေးမှာ ခဏတာခွဲခွာခဲ့ကြလေသည်။
ရွှေရောင်တ၀င်းဝင်းနှင့် အရမ်းသပ္ပါယ်လှသောရွှေတိဂုံဘုရားကြီးရဲ့ အရိပ်အာဝါသ က ရန်ကုန်မြို့ရဲ့ မွမ်းကျပ်မှုကို ခဏအတွင်းပြေပျောက်စေသည်။ချိန်းထားသောအချိန်ထက်နောက်ကျမှရောက်လာမည်မှန်းသိရက်နှင့် ကျွန်မက ကြိုစောင့်နေမိသည်။
လက်ဝဲရစ်နှင့်လက်ယာရစ်မှားပြီးဖူးမိရန်ပြောမိ သဖြင့် ကျွန်မကို ဘာမှမသိတဲ့ ငပိန်းလေးဟု လှောင်ပြောင်ခေါ်ခဲ့သေးသည်။ သူ့မွေးရက်က ဘယ်နေ့လဲဆိုတာ ကျွန်မကို မပြောပြခဲ့သလို ကျွန်မမွေးရက်ဘယ်နေ့ပါဆိုတာလည်း ကျွန်မအားမမေးခဲ့ချေ။ ကျွန်မသိချင်ခဲ့သည်ဆိုလျှင်တောင် ကျွန်မတမင်မမေးဖြစ်တာလဲဖြစ်နိုင်ပါသည်။
ကျွန်မစိတ်နှင့်တွေးလျှင်ကြိုက်လှသည်မဟုတ်ပါ ။ဒီလိုသွားလာရခြင်းကိုလည်း ကျွန်မသိပ်မနှစ်သက်ပါ သို့သော် သီချင်းဆိုပြပါဟု အကြိမ်ကြိမ်တောင်းဆိုထားသော သူ့အသံကို နားထဲက မထွက်လို့သာ ကျွန်မ ယခုနေရာသို့ရောက်လာရခြင်းဖြစ်ပါသည်။ ဒီနေရာမှာတော့ ကျွန်မနှင့်အတူ သီချင်းဆိုရတာဝါသနာပါသော သူငယ်ချင်းတွေသာ အများကြီးပါလာခဲ့လျှင် ပိုပြီးပျော်စရာကောင်းမှာသေချာလေသည်။ထိုညနေလေးမှာ သူနှင့်ကျွန်မလမ်းခွဲခါနီး စကားတခွန်းပြောခဲ့သည် ကျွန်မသီချင်းဆိုတာ အရမ်းကောင်းတာပဲဟုဖြစ်သည်။ ကျွန်မထူးထူးခြားခြားမအံ့သြမိပါ အဘယ့်ကြောင့်ဆိုသော ထိုကဲ့သို့သော မှတ်ချက်မျိုး ကျွန်မအား ပေးလိမ့်မည်ဟု ကျွန်မကြိုတင်တွေးထားခဲ့ခြင်းကြောင့်ဖြစ်လေသည်။ရုံးပိတ်ရက်မဟုတ်ပေမယ့် ကစားကွင်းက လူစည်နေသည်။ ပေါ့ပါးလွတ်လပ်စွာပျော်ရွှင်နေသော လူငယ်၊ လူရွယ် မျိုးစုံ ပျော်ရွှင်နေကြသည်။ ကျွန်မကရော မပျော်ရွှင်နေလို့လား.... ?သူပျော်ရွှင်နေလား ၊ ကျွန်မအတွက် စိတ်အနှောင့်အယှက်ဖြစ်နေလား ၊ စိတ်ရှုပ်နေလား မတွေးချင်ပါ ........အဖြေသည် စိတ်ပျက်စရာကောင်းသော အဖြေဖြစ်ကောင်းဖြစ်နိုင်လို့ဖြစ်သည်။ ကျွန်မဟန်ဆောင်စကားတွေကို နားမထောင်ချင်လို့လဲဖြစ်မည် ။ ထို့ကြောင့် ကျွန်မနှင့်အတူရှိနေရခြင်းကို ပျော်ရဲ့လားဆိုတာ မမေးဖြစ်ခဲ့ခြင်းဖြစ်သည်။ကျွန်မကတော့ဖြင့် သူနှင့်အတူရှိနေရခြင်းအတွက် ပြောမပြနိုင်လောက်အောင်ပျော်သည် ။ ကစားစရာတွေ တခုပြီးတခုကစားသည် ဘာမှကို စိတ်ထဲခံစားချက်မရှိသော မခံစားတတ်သော ခလေးတယောက်ရဲ့ ပျော်ရွှင်မှုမျိုးဖြင့်အဲ့ဒီနေ့တွင် ကျွန်မသည် ပြိုင်ဘက်ကင်းကင်းဖြင့် ပျော်နေလေသည်။ကစားကွင်းထဲမှ အရုပ်ဆိုင်လေးတဆိုင်ကို ကျွန်မမြင်လိုက်သည် အရုပ်လေးတွေက အဖြူရောင်ချည်းလေးတွေ ပြီးမှကိုယ်ကြိုက်တဲ့ဆေးရောင်ကို ကိုယ့်စိတ်ကြိုက် ချယ်ရခြင်းဖြစ်သည်။ ရုပ်တရက်သူက အရုပ်လေးတခုကိုကောက်ကိုင်လိုက်ကာ ဆိုင်ထဲတွင် သူ့စိတ်ကြိုက် အရောင်တွေရွေးပြီး စိတ်ပါလက်ပါဆေးခြယ်နေလေသည်။ တစ်နာရီလောက် အချိန်တွေကုန်ဆုံးသွားပြီးနောက် လှပသော အရုပ်ကလေးတရုပ်အဖြစ်သူ့လက်ထဲတွင်ရှိနေလေသည်။ ထို့နောက် ကော်ဘူးလေးနှင့်ထည့်ကာ ကျွန်မအတွက် ဆိုပြီးပေးလေသည်။ သူဘာကြောင့် ဒီလို စိတ်လိုလက်ရနဲ့ ကျွန်မကိုပေးဖို့ ဒီအရုပ်လေးအားဆေးခြယ်ခဲ့သလဲဆိုတာ ကျွန်မတွေးနေဖို့အချိန်မရှိချေ အဘယ့်ကြောင့်ဆိုသော ကျွန်မအရမ်းပျော်နေလို့ဖြစ်သည်။

အတိတ်တို့လွန်သော် ဇတ်သိမ်းပိုင်းသို့.......
(ဟိန်းလေး)

အတိတ်တို့လွန်သော်

ဇတ်သိမ်းပိုင်း....

ကျွန်မအတွက် အံ့သြစရာကောင်းသော အခြေအနေတစ်ခု တစ်ချိန်ချိန်တွင်ရောက်လာလိမ့်မည်ဟု ကျွန်မကြိုမတွေးထားမိသည်မှာ အကြီးအကျယ်မှားယွင်းမှု တခုဖြစ်ကြောင်းကိုတော့ ကျွန်မ မပြန်ခင်နေ့တရက်မှာ ကျွန်မကြုံတွေ့လိုက်ရလေသည်။

ကျွန်မသည် သူနေထိုင်သော နေရာသို့ လိုက်ပြပေးရန်တောင်းဆိုခဲ့သည် ။ သူနေသော အဆောင်သည် သူတက်ခဲ့သော ကျောင်းရဲ့အနီးမှာ ရှိသည်ဟုပြောခဲ့သဖြင့် ကျွန်မသည် ဘာ့အတွက်ကြောင့်မှန်းမသိ ကျွန်မအ၇မ်းကို သိချင်နေခဲ့လေသည်။ ဒီလိုတောင်းဆိုခဲ့မှုဟာ ကျွန်မအတွက် အမှား အကြီးကြီးကို လုပ်မိကြောင်းကို တော့ နောက်မှသိလိုက်ရသည်။ ထိုနေ့တွင်မှ သူသည် သူ့သူငယ်ချင်းများနှင့်ချိန်းထားသည် မိတ်ဆုံစားပွဲကိုလည်းမဖျက်ချင် ကျွန်မကိုလည်းအားနာနှင့် သူ့စိတ်ကို ကျွန်မအကဲခတ်တတ်ခဲ့သည်။ ကျွန်မက အရေးကြီးပါတယ်လို့သာ သူပြောနေပေမယ့် သူ့စိတ်သည် သူငယ်ချင်းတွေနှင့်အတူ ရှိကောင်းရှိနိုင်သည် ။ ကျွန်မရောက်ရှိနေခဲ့သောနေရာနှင့် ကျွန်မပြန်ရမည့်နေရာသည် အင်မတန်ဝေးသည် ။ ပြန်ပို့ပေးမည်ဟုသူပြောသောလည်း စိတ်မပါပဲအလုပ်တခုကို မလုပ်စေချင် ထို့ကြောင့် ကျွန်မသည် တိကျသော ဆုံးဖြတ်ချက်တခုကိုချကာ တယောက်ထည်းကျွန်မပြန်လာခဲ့တော့သည်။ အဲ့ဒီအချိန်က နဲနဲတော့ကြောက်နေမိမှာသေချာလေသည်။
လက်ထဲမှာစွဲစွဲမြဲမြဲကိုင်ထားဖြစ်တာလေးက သူဆေးခြယ်ပေးခဲ့တဲ့ မင်္ဂလာမောင်နှံအရုပ်ကလေးသာဖြစ်သည်။

ရထားဥသြဆွဲလေပြီရထားပေါ်သာ တက်လိုက်ရသည် ကျွန်မရဲ့အကြည့်တွေက ဘူတာရဲ့အ၀င်ဝကနေမခွာနိုင်သေး။ရထားက တငြိမ့်ငြိမ့်နှင့်ရန်ကုန်ဘူတာကြီးမှ ထွက်ခွာလာခဲ့ပြီ ထိုအချိန်ထိကျွန်မစောင့်မျှော်နေသောသူသည်........................
...............

.....................
.......................
စူးကနဲအလင်းတန်းတခု မျက်လုံးဆီသို့ တည့်တည့်မတ်မတ်ဝင်လာသဖြင့် ကျွန်မမျက်လုံးအားဖွင့်ကြည့်လိုက်သည် ထို့နောက်တဆက်ထည်း ကားဆရာ၏ အသံကိုထပ်ကြားရသည်။ အောင်မင်္ဂလာကားကွင်းဆင်းမည့်ခရီးသည်များ ဒီမှာဆင်းလို့ရပါပြီခင်ဗျာ ဟုဖြစ်သည်။
ကျွန်မလည်းကပျာကယာအထုပ်အပိုးဆွဲကာ ထိုနေရာတွင် ဆင်းလိုက်ရလေသည်။ လက်မှနာရီကိုကြည့်လိုက်သည် မနက် လေးနာရီထိုးပြီ
ရန်ကုန်မြို့ရဲ့ ဒီဇင်ဘာဆောင်းက အေးနေသည် ကားပေါ်ကအဲကွန်းလည်းအေးနေအုံးမည်ထင်သည်။ ကျွန်မလမ်းကိုတယောက်ထဲဆက်လျှောက်ရင်း.............

ကျေးဇူးတင်ပါသည်။

(ဟိန်းလေး)